اليكم متناقضات زجلية اعجبتني ونقلتها لكم:
------------------------
متناقضات: زجل
فيا شي احترام
لدرجة اني باغي نبوس راسي
وباغي نشرب مونادا بالفرشيطة
ومسالي
لدرجة اني باغي نحسب شعر راسي
ومسطي
لدرجة اني باغي نضرب سرسار دارنا
وندخل و نقول "شكون"
ونخرج و نقول "انا"
وندخل ونرحب براسي
و باغي نسلم عليكم واحد واحد ونمشي
و مقلق
حيث ما حضرتش عرس الوالد و الوالدة
وكنحس بالملل
لدرجة اني باغي نشد شي نملة و ندير ليها المكياج
فيا رومانسيه
لدرجة اني باغي نتعشى بشي وردة حمراء
و فيا شي حماس
لدرجة اني باغي نتلاح من السطح
ونهبط نشوف واش وصلت ولا مازال
والله فيها شي حاجة؟